반찬앤쿡 Banchan and Cook (屯門市廣場1期)

Open Now

Now Closed

幾個月前食過太古分店，住新界覺得好遠，覺得幾好食。新界人有口福啦，屯門分店裝修好靚，打卡影相又靚，食物又保持水準。未到12 點就到達，未食早餐好肚餓，早啲搵位食午餐，位置好多，上菜好快。食個人氣炸雞半份$108 ，味道選擇有初雪芝士炸雞，原味，甜辣，決定食蜜糖味，有炸薯條及年糕，甜甜地的無骨炸雞，炸醬好薄，非常香口。烤牛肉蛋包飯 $98 一切開蛋，嘩，慢慢滑落一半，橙黃色雞蛋剛剛熟，好滑，伴牛肉汁食飯，牛肉燉得軟淋，非常夾味。海鮮煎蔥餅 $89 3 大塊煎餅都煎得脆卜卜，點韓式汁辣辣甜甜，煙韌韌的感覺，唔錯。荔枝梳打 $42 粉紫色好靚，荔枝味好出。焦糖脆脆咖啡 熱$48 咖啡面頭上的焦糖脆脆中和咖啡的味道 ，個人好鍾意。 最後食個南瓜tiramisu $52 冇諗過咁大件 ，一層cream 一層蛋糕，鬆軟可口。