Video
Read full review
2023-01-24
1959 views
有咩食睇其他人都有講我唔多敘述啦我分享下體驗同應受首先見佢原本398食牛扒咁抵我以為佢係行outback個種美式西餐路線，點知最後係質素似outback價錢就fine dine價。入到去得drink menu睇唔明點叫野食諗左陣佢就過嚟問飲咩，前前後後問左三次好似催你同迫你飲野咁，咁都唔緊要嘅見佢侍應個個鬼佬環境又唔錯（但係好多人坐得好迫）咪叫左兩杯野。之後成個過程都好似趕收工咁極速上包同沙律，味道不過不失啦唔太差嘅。然後又極速上埋個牛排，老實講牛排係好食嘅，然後佢個特製source都唔錯。但係佢比左勁多薯條，然後每過5-10分鐘過黎問一次洗唔洗加薯條重點係我盤薯條仲有起碼一半，係咪可以睇下個客係咪有需要呢？同埋我都講左飽幾次都仲問有啲煩，如果我食outback/ruby Tuesday個啲2 3百蚊我覺得冇咩野，但係最後一個set叫多杯酒收我6舊水（cancel左件蛋糕唔係最後700幾）嘅餐廳我會覺得服務上差緊啲囉。啲薯條多到比我感覺似成個set其實冇咩野食想用薯條塞飽你嘅feel，最後我又唔想浪費食曬成盤薯條（我已經冇加）。事實上個set都真係唔多野：沙律菜少；牛排如果以成個set
首先見佢原本398食牛扒咁抵我以為佢係行outback個種美式西餐路線，點知最後係質素似outback價錢就fine dine價。
入到去得drink menu睇唔明點叫野食諗左陣佢就過嚟問飲咩，前前後後問左三次好似催你同迫你飲野咁，咁都唔緊要嘅見佢侍應個個鬼佬環境又唔錯（但係好多人坐得好迫）咪叫左兩杯野。
之後成個過程都好似趕收工咁極速上包同沙律，味道不過不失啦唔太差嘅。
然後又極速上埋個牛排，老實講牛排係好食嘅，然後佢個特製source都唔錯。但係佢比左勁多薯條，然後每過5-10分鐘過黎問一次洗唔洗加薯條重點係我盤薯條仲有起碼一半，係咪可以睇下個客係咪有需要呢？同埋我都講左飽幾次都仲問有啲煩，如果我食outback/ruby Tuesday個啲2 3百蚊我覺得冇咩野，但係最後一個set叫多杯酒收我6舊水（cancel左件蛋糕唔係最後700幾）嘅餐廳我會覺得服務上差緊啲囉。
啲薯條多到比我感覺似成個set其實冇咩野食想用薯條塞飽你嘅feel，最後我又唔想浪費食曬成盤薯條（我已經冇加）。事實上個set都真係唔多野：沙律菜少；牛排如果以成個set冇咩其他course嘅話份量都幾少。重要啲薯條係唔好食似高級版m記薯條，冇薯味得個脆字，我諗唔會有人覺得薯條脆就好食掛。
然後塊排都未食到一半佢就推左架蛋糕車出黎叫我地揀蛋糕，佢係介紹完4/5件蛋糕之後問我地要邊件，咁我咪揀囉因為我上網睇啲人個set好似都包埋甜品（係我冇做足功課），點知我揀完之後佢同我講我個set係唔包我個下反應唔切戇居居咁咪答ok囉。之後我問另一個侍應每件蛋糕120蚊（事後睇返上件8月只係70幾洗唔洗加得咁快啊），咁見都好飽間野又唔係特別高質就同佢講唔洗件cake啦（佢叫我揀完係推走左架車冇擺低任何野嫁，所以我之後先會講唔要）。同佢講：之前揀左兩件cake但係而家飽啦可唔可以取消點知佢繼續問我要唔要打包件蛋糕返屋企食，大佬你sales有佣收？雖然佢最後都冇迫我要個兩件蛋糕但係正常我件蛋糕未食過又冇落枱飽仲點會專登叫件蛋糕外賣走。
蛋糕唔寫清楚幾錢咁樣叫我揀蛋糕，最後又叫我外賣拎走繼續想我order，成間餐廳好有美容院sell療程咁。
最後佢仲送左張下次送三隻雞翼嘅coupon，令我對佢嘅感覺更多件收貴好多版嘅Ruby Tuesday。
Post
