Video
Read full review
2022-08-24
40 views
好耐無同老婆食海鮮蒸氣火鍋，聽聞蟹仙蒸氣火鍋用料上乘，所以就去新蒲崗試一試佢。一入到餐廳，職員 May 姐就招呼我地坐低，佢服務態度非常好，有禮貌，全程幫我地整野食，亦會如數家珍地介紹食材，非常用心！👍🏻餐廳 menu 會視乎當日新鮮到港的海鮮更新，確保最好既品質開始嘅時候先將粥底(日本米)同簡單嘅材料放入去(豬骨、粟米、芋頭)，再慢慢等佢吸收所有海鮮嘅精華日本深海石斑一夜干，呢個喺日本好出名，叫喜知次，係日本居酒屋必點嘅送酒菜式，食落有少少似好淡嘅鹹魚，但係帶有一種鮮味，肉質超嫩滑，加埋廚師特別調配嘅秘製豉油就更加提鮮 👍🏻日本野生大赤蝦，呢個係刺身級別既赤蝦，大大隻好多肉，個頭啲膏仲非常之甘甜，正！台灣九孔鮑魚，蒸完出嚟非常鮮味，彈牙得黎一啲都唔會韌日本大元貝，超大既 size，一疏疏嘅肉非常鮮甜韓國釜山珍珠蠔，蠔味十足，十分 creamy～大西洋野生青口，海水已經為佢調味，亦帶出到佢既鮮味野生日本深海白刀貝，肉質比較有咬口，味道都係好鮮澳洲青年龍蝦，蒸好出嚟啲肉都係非常飽滿，啖啖肉，除左鮮味，仲好爽口彈牙，將 d 蝦肉蘸佢蝦頭既膏一齊食，真係好享受，食完之後個蝦殼仲可以放埋落去一
好耐無同老婆食海鮮蒸氣火鍋，聽聞蟹仙蒸氣火鍋用料上乘，所以就去新蒲崗試一試佢。一入到餐廳，職員 May 姐就招呼我地坐低，佢服務態度非常好，有禮貌，全程幫我地整野食，亦會如數家珍地介紹食材，非常用心！👍🏻餐廳 menu 會視乎當日新鮮到港的海鮮更新，確保最好既品質
開始嘅時候先將粥底(日本米)同簡單嘅材料放入去(豬骨、粟米、芋頭)，再慢慢等佢吸收所有海鮮嘅精華
日本深海石斑一夜干，呢個喺日本好出名，叫喜知次，係日本居酒屋必點嘅送酒菜式，食落有少少似好淡嘅鹹魚，但係帶有一種鮮味，肉質超嫩滑，加埋廚師特別調配嘅秘製豉油就更加提鮮 👍🏻
日本野生大赤蝦，呢個係刺身級別既赤蝦，大大隻好多肉，個頭啲膏仲非常之甘甜，正！
台灣九孔鮑魚，蒸完出嚟非常鮮味，彈牙得黎一啲都唔會韌
日本大元貝，超大既 size，一疏疏嘅肉非常鮮甜
韓國釜山珍珠蠔，蠔味十足，十分 creamy～
大西洋野生青口，海水已經為佢調味，亦帶出到佢既鮮味
野生日本深海白刀貝，肉質比較有咬口，味道都係好鮮
澳洲青年龍蝦，蒸好出嚟啲肉都係非常飽滿，啖啖肉，除左鮮味，仲好爽口彈牙，將 d 蝦肉蘸佢蝦頭既膏一齊食，真係好享受，食完之後個蝦殼仲可以放埋落去一齊煲粥 👏🏻
野生膏仔蟹，見到已經流晒口水，d 膏多到爆晒出嚟，極度邪惡！每一啖都充滿住蟹膏嘅鮮甜甘香，加埋鮮甜嘅蟹肉，令人回味無窮！！😋
最後既粥底，已經吸收晒所有海鮮嘅鮮味精華，口感亦非常綿密
炸魚皮，餐廳仲送咗啲新鮮炸出嚟嘅魚皮，又夠薄又夠脆，重點係唔會好似出面嗰啲係硬脆，佢係好鬆脆，仲有啲黃金炸蒜，用嚟送粥一流～
椰汁燉雪燕，除咗送炸魚皮，仲送埋呢個燕窩，椰汁味好香，甜味剛好，燕窩都好足料，真係抵佢有咁多回頭客幫襯
非常滿足嘅一餐，下次一定要帶媽媽黎試，俾個驚喜佢
Post
