新泰東南亞餐廳 (太子集團中心) (Closed)

初時入黎呢度以為只係普通泰國餐廳，但原來係香港開業已經有二十年，而且聽呢度職員講有另一層係開放式設計，可以係果層燒烤，我相信係可以即場燒海鮮食個款。只可惜我黎時未準備好，只好係樓下食普通點餐。但事實點餐都好好味道！今次食完我已經打算下次帶其他人黎試下，皆因佢都標榜係設計到適合香港人口味既泰國餐廳。加上食泰國野你會好多野都想叫黎食，但今次黎因為人少食得唔係咁夠喉今次我只係點左幾款簡單而又傳統泰國或者東南亞既食物。菠蘿炒飯佢係原個菠蘿連飯上菜，而入面的飯滲透左的酸酸甜甜既菠蘿味，令你有開胃既感覺，而佢都加左提子乾，肉鬆同腰果，全部係我至愛既食物，食炒飯既好處就係一匙可以食到有硬有脆又有軟既食物，當然亦有不同味道。剩係講個飯我已經好滿足，最後我都差的唔記得入面有蝦，好大只，又爽口。！而串燒燒既時間控制好好，的肉又唔會太鞋，有雞、豬、牛，相比我平時食既較大串！我個人較喜歡落多的沙嗲醬食串燒，咁好野味。而西冷牛扒係我食呢餐最似泰國料理，本身西冷扒唔係全熟透，有少少紅，好適合我口味。再加上有兩種泰式醬，酸酸地，辣辣地，好正！唯一我就覺得食西冷要大塊同多肉啲會更好食。最後呢個椰青大菜糕，第一次食我就