禾牛薈火煱館 (金馬倫道)

Open Now

Now Closed

禾牛薈之前朋友推介食過一次，上次食北海道花膠奶湯底，今次回歸經典沙嗲湯底。講湯底其實呢度真係好多選擇。睇張菜單已發現好多特色嘢點。響鈴係必點項目，呢度d響鈴唔同其他鋪，新鮮炸，好脆！禾牛薈唔食牛簡直係浪費，佢地d牛我有質素同埋細分好多唔同部位，我就點咗個封門柳，佢仲有教你要淥幾耐。意式牛肉餃亦係個人必點推介，坊間我未試過喺第二度見到有呢款餃。最後點埋蓮藕片，就係簡單如蓮藕片都好新鮮同爽。兩條友叫呢幾樣都已經食到飽飽，最緊要有個人電視俾你撈飯。總結：食材優質 環境舒適 價錢合理兩個人8舊有找。