御前大江戶日式料理 (Closed)

今日去左觀塘食好西揀左間好日式既放題餐廳入面係勁大勁多位飲品係一應俱全，我最欣賞佢有鴻福堂既細支裝飲品，有咸柑桔、檸檬茶、竹庶茅根，仲有好多雀巢雪糕同手製甜品呢度既放題係半自助形式，即係每人先四揀一主食，之後可以再揀任食既食物，所以呢度放題既食物係相對較少呢款相當吸睛，一黎就有一大隻松葉蟹係我面前啦，蟹腳同蟹鉗都十分粗壯且鮮甜，唔似平時果d得個咸字，食左呢兩樣都開始有d飽成個set仲有小食芥末魷魚同埋甜品添蟹身超多肉仲有個魚生飯，有海膽、大蝦、吞拿魚、蟹籽，全部撈埋哂一齊食係超鮮美架另外個海鮮鍋係好足料，入面有大蜆、中蜆、大蝦、元貝，成個湯淆成奶白色，仲有好重既豆乳味，每淡湯都係海鮮既精華，所以個湯絕對係唔可以浪費，我叫左d稻庭烏冬放湯，咁就可以吸哂d精華刺身就有三文魚、帶子、北寄貝、象拔蚌、鮑片、甜蝦，我最欣賞係帶子，未曾試過帶子係會元粒上架，真係超肥美炸物同燒物都好正，天婦羅夠乾身夠脆，串燒仲加左孜然粉添小食有海哲、螺肉同蟹籽沙律壽司係非常出色，我冇諗過自己食放題係會encore壽司，呢幾款壽司大家一定要點！