狂野麻神麻辣火鍋 (Closed)

舊同事好耐都冇見所以就約咗上個星期六一齊打邊爐傾吓計，佢提議左我嚟呢間嘅火鍋店到食嘢，其實佢都係第一次嚟，不過話見到上網大讚好抵食。估唔到$288都可以食到咁多高質嘅食物😍果凍鴨血鴨滑嫩帶嚼勁，超入味。牛肉盛包括牛頸脊、牛小排、牛胸爽、 牛根膜、一口牛。其中推薦牛小排，肉質油花分佈均勻，較重油香。而一口牛肉質就較細嫩、口感鬆軟。海鮮盛合有齊哂蟶子鮑魚、帶子、鮮蝦，全部都係新鮮運到，海鮮啖啖肥美Juicy，配上麻辣湯底嘅濃郁香辣味道，海鮮份外滋味。而且仲唔少得有好新鮮嘅蔬菜提供，有肉有菜有海鮮真係咩都有齊晒😋想食乜就食乜滿足晒我嘅願望。