安安燒 (染布房街) (Closed)

之前食過安安燒覺得又抵食又好味，一直都好想再食多次但出旺角又有啲遠喎，咁啱今日約左好朋友喺旺角見面，就同朋友去食啦。我地叫左黑松露菌醬三重芝士撈丁，黑松露同芝士都又香，食落啖啖都有芝士味，啱曬我呢個芝士控，如果鐘意食芝士，真係要嗌呢個👍惹味蒜蓉生燒茄子，茄子又大件，蒜蓉非常之多，熱辣辣放入口真係好好味。燒韮菜，呢個係我每次必嗌嘅食物，非常好味，唔會太辣，但好惹味。水果牛肋條，好嫩呀，切開仲係粉紅色嘅，唔會燒到好熟，而係燒到啱啱好，唔錯嘅。香濃芝士燒扇貝，芝士控一定要食嘅，又係每一啖都有芝士入口，燒到啱啱好，好香。仲有燒菠蘿，好甜好好汁，好食到想嗌多碟。秘製醬燒雞中翼，個皮燒到好香，我覺得呢個比較辣，不過好惹味。