Video
Read full review
2018-06-06
35 views
之前食過呢間餐廳已經想Encore好耐，今日黎開西環終於有機會!!裝潢走簡約可愛風格，有好多得意熊啤啤同白兔公仔擺設，仲有幾舊雲既燈飾，好似係主題樂園咁，少女心即時出哂黎！海膽蟹肉牛油梨芒果他他 ($98)呢道前菜上次食完一直令我心掛掛，今次一於再食底層以牛油果蓉同香甜芒果粒混合而成，口感香軟幼滑，味道方面芒果既清新酸甜調和咗牛油果既飽濟感。中層覆蓋住啖啖蟹肉，食落鮮甜而爽口。上層以沙律菜舖墊飽滿既海膽，味道濃郁甘甜、冇腥同苦味，加上少量黑松露，將整道他他色香味都升華連伴碟都好有心思，黑醋橄欖油美觀之外，亦可以用來伴沙律菜食，魚子咬落咸香脆卜卜!明太子炸軟殻蟹忌廉汁意大利麵($138)明太子份量好足，忌廉汁香濃帶微辣，但可惜質感較稀...意粉則煮得剛剛好，質感夠彈牙al dente，不過略嫌忌廉汁未夠多到可以覆蓋整碟意粉。但睇見大大份酥炸軟殼蟹霸氣原隻上，食落又鬆脆香口，呢個意粉依然合格！蟹膏吐司($108)蟹膏脹卜卜咁佈滿整個蟹殼，望到已經流晒口水呢度既蟹膏雖然係凍食，但食落依然勁濃郁，每一啖都齒頰留香。多士烘得夠香脆，沾上蟹膏一大啖食落去，嗰一刻就好似上咗天堂一樣，係全晚的high
裝潢走簡約可愛風格，有好多得意熊啤啤同白兔公仔擺設，仲有幾舊雲既燈飾，好似係主題樂園咁，少女心即時出哂黎！
海膽蟹肉牛油梨芒果他他 ($98)
呢道前菜上次食完一直令我心掛掛，今次一於再食底層以牛油果蓉同香甜芒果粒混合而成，口感香軟幼滑，味道方面芒果既清新酸甜調和咗牛油果既飽濟感。中層覆蓋住啖啖蟹肉，食落鮮甜而爽口。上層以沙律菜舖墊飽滿既海膽，味道濃郁甘甜、冇腥同苦味，加上少量黑松露，將整道他他色香味都升華
連伴碟都好有心思，黑醋橄欖油美觀之外，亦可以用來伴沙律菜食，魚子咬落咸香脆卜卜!
明太子炸軟殻蟹忌廉汁意大利麵($138)
明太子份量好足，忌廉汁香濃帶微辣，但可惜質感較稀...意粉則煮得剛剛好，質感夠彈牙al dente，不過略嫌忌廉汁未夠多到可以覆蓋整碟意粉。
但睇見大大份酥炸軟殼蟹霸氣原隻上，食落又鬆脆香口，呢個意粉依然合格！
蟹膏吐司($108)
蟹膏脹卜卜咁佈滿整個蟹殼，望到已經流晒口水呢度既蟹膏雖然係凍食，但食落依然勁濃郁，每一啖都齒頰留香。多士烘得夠香脆，沾上蟹膏一大啖食落去，嗰一刻就好似上咗天堂一樣，係全晚的highlight
飲品：Remi ($70), Puyooma ($70)
呢度既drink menu係非常多選擇，有幾款仲係原創cocktail，我同朋友分別嗌咗一人一款
Remi配合熊啤啤公仔以啡色為主題，包含Frangelico榛果酒、Bailey's、朱古力、奶同埋朱古力雪榚，味道偏甜，酒味適中唔會太濃烈，好啱想淺嘗酒精既女生。
Puyooma就包含Malibu冧酒、鮮橙汁、鮮菠蘿汁、椰奶同埋牛奶雪榚，酒味輕微，反而椰奶味較重，牛奶雪榚口感好軟滑。
總括黎講，呢度無論餐廳環境定食物賣相都好精緻，食物水準算高、種類夠多，價錢比起出面cafe亦唔算貴，我諗我好快又會再黎!
Post
