老掌櫃東北菜館 (Moved) New Location

上年經朋友介紹，第一次幫襯老掌櫃，已經覺得非常之有驚喜，已打算有機會要再來多次。今次同舊同事飯聚，決定要介紹這位「老掌櫃」給好友認識！由於一早已訂位，所以七點到達，不用等位，但見門口已開始有人排隊了。在我極力推介下，我哋一共四個人，都叫得頗多食物。先來一客白菜豬肉餃，要加煎，因為個人喜歡食煎餃子那種外脆內軟，入口多汁的口感！😋 之後又叫咗招牌菜醉雞，洒味濃得來又不會過火，鷄肉嫩滑，正！仲有上次食過今次要再encore 的脆椒香雞，起初朋友覺得那些紅椒賣相唔吸引而唔敢食，但我同佢講，D紅椒炒到好似薯片一樣香脆，你一定未試過，食過你就知有幾好味！果然朋友試過之後大讚，話無介紹錯！👍我哋仲叫咗其他菜式，包括：東北亂燉，湯底清甜，特別喜歡窩𥚃的麵條質感不錯；紅燜豬蹄又非常入味；四川擔擔麵、東北肉皮凍皆是經典之作；最後來個甜品高力豆沙，為這餐東北菜畫上完美的句號！期待下次再來，與朋友一起食過番尋味！