Video
Read full review
2008-05-02
14 views
上年生日男朋友帶我黎呢度食佢話當時見到呢間係赤柱區排第一, 全部"笑"食評既餐廳, 於是就去左慶祝我生日結果真係好好食~~~!上次食左牛扒配鵝肝醬+翡翠螺+焗茄子+半分天下pizza(小天使+藍芝士)仲有tiramisu做甜品~樣樣野都好好味相隔半年, 我地食過番尋味, 不惜專登o係油塘行去鯉魚門搭船去西灣河再搭巴士入赤柱, 就係為左再黎呢度食飯~~!!由於今日係公眾假期, 有好多人黎赤柱消遣我地今次又無book枱, 所以專登早少少去6點45分去到, 已經有幾枱客了~ 後尾d客都一枱接一枱咁黎果然真係好多人慕名而來~我地今次叫左一個set dinner加一個main course同甜品先講個Set dinner:1. 忌廉蜆肉湯 + 兩片多士 - 蜆肉幾鮮味, 忌廉稀稠適中, 配埋兩片多士(唔係一般o個d蒜蓉多士, 但我唔知係咩..), 很開胃的前菜~2. 燒雜菜配蛋沙律 - 睇個名仲諗緊點樣燒d菜, 原來係d燒青椒、紅椒、黃椒、茄子、翠玉瓜, 加半隻蛋沙律, 幾特別!3. 香草烤雞黑菌意大利飯 - 件雞淨係配左少少香草黎烤, 好香!! 黑菌意大利飯個汁好好味, 令人不禁食完一啖又一啖
佢話當時見到呢間係赤柱區排第一, 全部"笑"食評既餐廳, 於是就去左慶祝我生日
結果真係好好食~~~!
上次食左牛扒配鵝肝醬+翡翠螺+焗茄子+半分天下pizza(小天使+藍芝士)
仲有tiramisu做甜品~
樣樣野都好好味
相隔半年, 我地食過番尋味, 不惜專登o係油塘行去鯉魚門搭船去西灣河再搭巴士入赤柱, 就係為左再黎呢度食飯~~!!
由於今日係公眾假期, 有好多人黎赤柱消遣
我地今次又無book枱, 所以專登早少少去
6點45分去到, 已經有幾枱客了~ 後尾d客都一枱接一枱咁黎
果然真係好多人慕名而來~
我地今次叫左一個set dinner加一個main course同甜品
先講個Set dinner:
1. 忌廉蜆肉湯 + 兩片多士 - 蜆肉幾鮮味, 忌廉稀稠適中, 配埋兩片多士(唔係一般o個d蒜蓉多士, 但我唔知係咩..), 很開胃的前菜~
2. 燒雜菜配蛋沙律 - 睇個名仲諗緊點樣燒d菜, 原來係d燒青椒、紅椒、黃椒、茄子、翠玉瓜, 加半隻蛋沙律, 幾特別!
3. 香草烤雞黑菌意大利飯 - 件雞淨係配左少少香草黎烤, 好香!! 黑菌意大利飯個汁好好味, 令人不禁食完一啖又一啖~~!
另加既Main Course:
4. 牛扒配鵝肝醬 - 上次食過, 今次專登再黎都差唔多係因為想再食呢味菜~ 牛扒叫左7成熟就真係7成熟, 唔會太靭~ 肉汁濃郁~ 配埋鵝肝醬(今次有2片, 上次得1片架咋!), 簡直係一流!!
仲有叫左個甜品:
5. 蘋果批伴雪糕 - 一片片蘋果中間夾住埋班戟黎烤, 上片淋左d朱古力醬, 再加一個雲呢拿雪糕球, 一熱一凍配住黎食, 勁正!!! d蘋果片又唔會太甜!! o係出面都未見過咁樣整既蘋果批, 真係好正!!!!
最後仲有一杯跟set dinner既咖啡, 都ok, 無乜特別~
不枉我地專登入黎食, 好滿足~~!
入開黎赤柱relax既, 不妨黎試下~~^^
我地就一定會再黎~哈哈~
P.S. 好多人都對o個兩位伯伯侍應服務態度有微言, 我地就覺得佢地幾好, 不斷同我地換碟同斟水, 佢會用d"同你好似好熟"既口吻同客人傾計, 可能有d人唔中意, 不過我地覺得無咩問題, 呢個係佢地既style嘛~
Post
