盛記粉麵

Open Now

Now Closed

再次到訪，發現價錢有所調整，嘩，平左嘅，不論面類，飯類，車仔面都平左10蚊有多，問問老闆，佢話因為做緊優惠推廣，不過無定日子幾時又回復返舊價，佢話原材料真係好貴, 到蝕入肉之時就係佢加返價之時，咁我都明嘅，要整到好食嘅牛腩牛什都真係要落好多野去炆先得，而家d物價又真係好難頂。好，心諗平左份量會唔會少左呢？！噢…碗面一放低，細細嘩左聲，份量都係同之前一樣，都係咁大碗，碗牛什面內有大量嘅時菜同好多舊肚，肺，長，面嘅份量就比其他面店大舊d，最重要，味道都係同之前一樣, 濃濃嘅柱侯味~食完碗面，加支細汽水，而家仲做埋餐，抵食左~雖然都比街外貴d，但一碗當人地兩三碗有多，所以都好滿足。