Deer Kitchen (荃新天地) (Closed)

早前食過的確幾好味，今次朋友又話想再來食下～六點半去到餐廳有好多位唔洗等，環境清雅舒適好多鹿仔佈置，仲有兩個鳥籠打卡位。美食樣樣好味，價錢合理，回頭指數高。白酒煮藍青口、馬拉蜆 $128 馬拉蜆蜆肉鮮味脹卜卜，藍青口肥美，白酒煮非常美味。 焗明太子蟹肉酥盒 $118 酥皮酥脆不油膩，餡料滿滿蟹肉同明太子，細細件一件一口滋味滿足。焗釀金文畢芝士海鮮三文扒 $238 見呢款係荃灣店限定，一定要試試啦，三文魚扒好厚肉，面層放了芝士及海鮮醬汁焗製，非常滋味，加上焗製時間剛剛好，令肉質不會過鞋，底層配有香滑紫薯蓉伴碟，yummy。 Pussy Foot $68 主要以橙汁及菠蘿汁調製，味道酸酸甜甜好易入口。