Video
Read full review
2018-08-19
370 views
周末去旺角食乜好，朋友去過【心夜來潮】覺得價錢合理又好味，於是提議再去。位於旺角中心對面，一樓係南記粉麵，二樓就係【心夜來潮】喇，都好方便同易搵。店內裝修無論一枱一椅，一碗一碟，定整個格局亦有中國懷舊特色！我地一行4人，3女1男，一共叫左4個餸1個砂鍋粥。其實仲有好多小菜同小食都好想試，但胃就得一個，為左唔想浪費，唯有下次再食啦。【醬鹵水六小碟】有紅腸、豆腐、豬耳、豬大腸、豬脷同豬腩肉六款。大推呢個拼盤，一行4人都認同鹵得夠入味！夠軟淋！而且唔係冷盤，而係有微溫，豬腩肉食落口都唔會覺得肥膩。連平時唔食豬脷豬大腸嘅朋友都話食得到，大讚好味！【爆炒醬啫秋葵】秋葵係我最鐘意嘅蔬菜之一，冇諗過咁樣炒法咁好味！加左少少肥豬肉碎，辣椒同調味料，秋葵亦處理得剛剛好，爽口而唔會太淋，如果配白飯食一流！(最後我地配左砂鍋粥食，同樣好惹味)【黃金一口炸饅頭】好似好耐冇食過炸饅頭，會推出嘅酒樓買少見少。一口饅頭細細個其實係恰到好處嘅份量，外皮香脆得黎，又唔會覺得入面嘅包太多好乾身，點埋煉奶係無敵嘅食法。【傳統鴨蛋煎蠔烙】呢個蠔餅可以打入我食過最好食嘅蠔餅TOP3（香港地區）！夠乾身，唔油膩！炸至脆口嘅鴨蛋粉
位於旺角中心對面，一樓係南記粉麵，二樓就係【心夜來潮】喇，都好方便同易搵。店內裝修無論一枱一椅，一碗一碟，定整個格局亦有中國懷舊特色！
我地一行4人，3女1男，一共叫左4個餸1個砂鍋粥。其實仲有好多小菜同小食都好想試，但胃就得一個，為左唔想浪費，唯有下次再食啦。
【醬鹵水六小碟】有紅腸、豆腐、豬耳、豬大腸、豬脷同豬腩肉六款。大推呢個拼盤，一行4人都認同鹵得夠入味！夠軟淋！而且唔係冷盤，而係有微溫，豬腩肉食落口都唔會覺得肥膩。連平時唔食豬脷豬大腸嘅朋友都話食得到，大讚好味！
【爆炒醬啫秋葵】秋葵係我最鐘意嘅蔬菜之一，冇諗過咁樣炒法咁好味！加左少少肥豬肉碎，辣椒同調味料，秋葵亦處理得剛剛好，爽口而唔會太淋，如果配白飯食一流！(最後我地配左砂鍋粥食，同樣好惹味)
【黃金一口炸饅頭】好似好耐冇食過炸饅頭，會推出嘅酒樓買少見少。一口饅頭細細個其實係恰到好處嘅份量，外皮香脆得黎，又唔會覺得入面嘅包太多好乾身，點埋煉奶係無敵嘅食法。
【傳統鴨蛋煎蠔烙】呢個蠔餅可以打入我食過最好食嘅蠔餅TOP3（香港地區）！夠乾身，唔油膩！炸至脆口嘅鴨蛋粉漿，再加上每一口都食到蠔仔，簡單冇得輸！
【潮汕砂鍋粥】最後重頭戲！揀左細Size嘅砂鍋粥$200左右，加左雞件，蟹同鮑魚。其實細Size都好大煲，每人可以都食到2碗粥。蟹同鮑魚嘅鮮味入晒粥，雞件嘅份量亦好多，夠鮮味，好抵食！
總捂黎講呢餐飯好滿意，係會令我食過番尋味，想再黎嘅程度！難怪朋友冇耐之前同朋友食完，咁快又推薦我地黎啦。希望心血來潮保持水準，繼續為我地帶黎一試難忘嘅美味。
Post
