味道樂居酒屋 (河內道)

Open Now

Now Closed

已經好耐無食日本野，剩係油尖旺就有好多間都唔知點揀，有啲好貴，有啲平嘅成日好驚中伏。突然醒起食過呢間居酒屋食物幾高質，今次就同朋友再一齊幫襯 海膽壽司、油甘魚壽司刺身、壽司呢啲野，講真只要佢食材夠新鮮，就點都好食嘅。兩款壽司食落都對得住價錢，無失望位嘅。煙肉荔枝卷黎親居酒屋總係要叫啲燒物先有feel嘅哈哈。呢個煙肉卷竟然有驚喜，雖然個名聽落去好奇怪，但兩樣野mix埋竟然會matched。煙肉燒得啱啱好，一口咬落去，煙肉焦脆，荔枝清甜爆汁。無諗住兩樣咁普通嘅食材加埋竟然可以好食？！汁燒大白膳第二樣串燒就叫魚啦，不個呢一碟就普通無咩特別驚喜喇。鐵板牛油煎黑松露帆立貝平時就好鍾意食帶子、帆貝，見呢個88蚊仲有加黑松露，感覺幾抵食，而且牛油煎實無死。大大粒帆立貝，正黑松露帶子刺身沙律配柚子醬以前食日本野通常清一色食刺身、壽司，但而家總覺得叫碟沙律好似健康啲哈哈。連沙律都一樣唔hea，見到入面有平時最鍾意食嘅日本細蕃薯，超甜個隻，唔係用平貨慳成本，感覺好好多。再加黑松露同帶子刺身，鮮味足，配埋其他菜，成餐飯無咁啖啖肉。整體黎講，呢間個價錢質素係ok嘅，坐得都舒服，耐唔耐都會幫襯下。