16 Shell (Closed)

Item: 16 Shell
Rating: 4
Author: jackie.ip.395

681 Reviews

Taste

Decor

Service

Hygiene

Value

14130

Tin Hau

$101-200

Italian Coffee Shop

615

jackie.ip.395

Level4

223

對唔住!我膚淺!我一見到呢間餐廳狹帶住「由謝霆鋒助手開設的西餐廳」呢個來頭,我已經用0.00001秒拎起電話打嚟訂枱,即晚嚟幫襯,最重要嘅當然係要多謝我有一個好姐妹肯嚟陪我癲~不過我就覺得...當然係因為我同偶像太有緣份啦竟然喺open rice度求其打兩個字search下天后有咩食,咁都俾我發現到呢一間嘢,16 Shell...同16道鋒味...真係點諗都聯想唔到...哈哈~可能始終都冇大肆宣傳,我嚟到嘅時候都發現佢唔算滿座,大約滿半咁上下~不過裡面佈置已經好有聖誕氣氛,加上裝修嘅顏色主調都係比較歐美風嘅深啡黑木色,西方味道更加強烈。最衰就係我哋得兩個女仔,所以都唔可以揀太多款美食,明明望完個餐牌好多嘢都想食,款款都好吸引。今晚嘅體驗之後覺得整體嚟講質素都幾高,絕對可以回頭再來。黑炭黑蒜蓉包($70蚊)：朋友知道我book咗枱,都專登留意咗open rice apps睇過下好多人哋食評都介紹呢款麵包,所以我哋都叫咗個。黑蚊蚊嘅多士外表好鬼特別,麵包香脆味道獨特,除咗有蒜蓉嘅香味外,仲有一啲甜甜哋但又睇唔出係乜嘢嘅調味料,有少少似莓類嘅果醬,我同朋友都覺得幾有驚喜呢香煎欖油大蒜,驢蹄草

Read full review

對唔住!我膚淺!我一見到呢間餐廳狹帶住「由謝霆鋒助手開設的西餐廳」呢個來頭,我已經用0.00001秒拎起電話打嚟訂枱,即晚嚟幫襯,最重要嘅當然係要多謝我有一個好姐妹肯嚟陪我癲~不過我就覺得...當然係因為我同偶像太有緣份啦

竟然喺open rice度求其打兩個字search下天后有咩食,咁都俾我發現到呢一間嘢,16 Shell...同16道鋒味...真係點諗都聯想唔到...哈哈~
可能始終都冇大肆宣傳,我嚟到嘅時候都發現佢唔算滿座,大約滿半咁上下~不過裡面佈置已經好有聖誕氣氛,加上裝修嘅顏色主調都係比較歐美風嘅深啡黑木色,西方味道更加強烈。
最衰就係我哋得兩個女仔,所以都唔可以揀太多款美食,明明望完個餐牌好多嘢都想食,款款都好吸引。今晚嘅體驗之後覺得整體嚟講質素都幾高,絕對可以回頭再來。

黑炭黑蒜蓉包($70蚊)：朋友知道我book咗枱,都專登留意咗open rice apps睇過下好多人哋食評都介紹呢款麵包,所以我哋都叫咗個。黑蚊蚊嘅多士外表好鬼特別,麵包香脆味道獨特,除咗有蒜蓉嘅香味外,仲有一啲甜甜哋但又睇唔出係乜嘢嘅調味料,有少少似莓類嘅果醬,我同朋友都覺得幾有驚喜呢

香煎欖油大蒜,驢蹄草,檸檬配帶子pasta

香煎欖油大蒜,驢蹄草,配檸檬帶子Pasta($180蚊)：淨係揀pasta嘅口味,都已經足夠令我哋兩個頭痛......除咗蔬菜口味仲有肉類...仲有海鮮...最後我哋揀咗呢一款帶子為主嘅,結果都冇令人失望。首先pasta係比較窄身嘅意大利麵,雖然窄身但厚度有番咁上下,所以咬落質感豐富,軟硬適中,用咗欖油嚟炒味道夠濃但絕不油膩,感覺好好,而我哋兩個都才疏學淺,唔知道驢蹄草係甚麼東東(?!)面頭有啲一粒粒橢圓身嘅豆子應該就係呱?試了一試味道是酸酸的,所以整個pasta令人不滯,還會追吃。最值得一提嘅係帶子極為新鮮,size仲要很巨大,所以勁厚肉,口感彈牙之餘加上質感軟綿綿,配上香草調味已經正到不行

兩個女仔一齊share嚟食份量剛好~

酥皮黑松露比薩批($160蚊)：酥皮pizza始終都算係比較有噱頭嘅一道菜式,再加上抬頭望一吓黑板介紹係「鋒味pizza」,就算唔知係咩嘢味我都一樣會叫

咩叫愛係盲目就係我呢種人

不過老實咁講,呢款口味嘅pizza酥皮係算焗得唔錯,夠酥夠化,但溫度不夠熱,有八吋大嘅size就算切成九宮格咁,一塊接住一塊食,速度都比不上降溫來得快,酥皮批一涼咗就唔脆,唔脆就唔好食了~雖然冇任何肉類材料喺當中,只有少少蘑菇加芝士一齊焗,但蘑菇同芝士就只放喺中心位置,變相我哋兩個share食似乎得好少份量,會有點兒尷尬呢!大家都覺得只係不停咁食酥皮,就好似用麵包填飽肚子一樣嘅感覺,相對地呢款菜式就變得唔討好喇~我覺得以呢個味道,如果改做成一小份三或四吋嘅size,一人一份量的話反而可能會較優勝呢