汀汀烤活魚 (Closed)

本身我都好鍾意食辣野，無辣不歡，之前去過依間荃灣店食過雞煲，剛好同朋友出旺角又想再食，真係食過翻尋味<<招牌烤魽魚>>上次叫左雞煲，今次試下烤魚，叫左剁椒湯底，上面鋪滿左剁椒，旁邊放左酸菜、芫茜、蔥，可以去除魚本身既腥味之餘，魽魚肉質鮮甜同好滑，再煲耐多陣，剁椒同酸菜配菜開始浸入魚肉裡面，酸酸辣辣幾惹味，正<<鬼馬雙拼>>新鮮熱辣既油炸鬼，上面釀左墨魚滑，脆口得黎又彈牙，再點沾泰式辣醬，好味。依款菜式除左可以齋食之外，又可以浸湯食，油炸鬼索滿左湯既精華<<極黑豚肉>>豚肉肥瘦分明，豚肉爽口，放入去本身有酸辣既湯底去煮，好入味<<蘿白、萵芛、粟米>>蔬菜三寶，食咁多肉，緊係要食菜平衡下啦<<稻亭烏冬>>烏冬好滑同淋身，吸入湯底精華，辣辣地好醒胃。個人認為，每餐飯都要食下麵同飯先叫圓滿依度亦有火鍋配料，食魚之餘又可以比人更多選擇，仲做埋優惠推廣，真係好抵食，下次再黎過