Video
Read full review
2019-07-23
812 views
之前都食過一次，係幾正，見過開海，再接再厲👅 上次好好彩咁只等一枱，今日又唔使等可以直入，lucky✌🏿蟹膏蕃茄湯檬 $50>蕃茄湯底酸酸地好醒胃，蕃茄新鮮多汁>蟹膏餅勁有蟹味，好得>扎肉夾雜軟骨，好有𡁻口>豆卜吸滿蕃茄濃湯，質感堅挺，小心睇熱>豬紅，就係豬紅味囉>檬粉唔會好腍好梅，都幾挺身爽口==================推介指數 🌕🌕🌕🌖🌑蔬菜燉牛腩 $55 (星期六、日期間限定)>法包焗得外層香脆內層煙靭，送到嚟搣開時仲要熱到出煙，不禁要嘩一聲>牛腩煮得極腍兼入味，加有少少筋膜，正>汁味濃略甜但惹味，用法包點嚟食一絕>蘿蔔、薯仔都幾入味，腍腍地，幾好==================好味指數 🌕🌕🌕🌖🌑越式法包 $40>法包熱辣辣，香脆可口>扎肉、腩肉、肉鬆、肝醬、青瓜、醃蘿蔔、芫茜塞到爆晒廠，個口要擘到盡先勉強塞得入，成件事味道豐富，調味得宜，特別係醃蘿蔔，嘩，令到條脷如沐春風一樣==================好味指數 🌕🌕🌕🌖🌑牛油果沙冰 $30>第一郡其中一
蟹膏蕃茄湯檬 $50
>蕃茄湯底酸酸地好醒胃，蕃茄新鮮多汁
>蟹膏餅勁有蟹味，好得
>扎肉夾雜軟骨，好有𡁻口
>豆卜吸滿蕃茄濃湯，質感堅挺，小心睇熱
>豬紅，就係豬紅味囉
>檬粉唔會好腍好梅，都幾挺身爽口
==================
推介指數 🌕🌕🌕🌖🌑
蔬菜燉牛腩 $55 (星期六、日期間限定)
>法包焗得外層香脆內層煙靭，送到嚟搣開時仲要熱到出煙，不禁要嘩一聲
>牛腩煮得極腍兼入味，加有少少筋膜，正
>汁味濃略甜但惹味，用法包點嚟食一絕
>蘿蔔、薯仔都幾入味，腍腍地，幾好
==================
好味指數 🌕🌕🌕🌖🌑
越式法包 $40
>法包熱辣辣，香脆可口
>扎肉、腩肉、肉鬆、肝醬、青瓜、醃蘿蔔、芫茜塞到爆晒廠，個口要擘到盡先勉強塞得入，成件事味道豐富，調味得宜，特別係醃蘿蔔，嘩，令到條脷如沐春風一樣
==================
好味指數 🌕🌕🌕🌖🌑
牛油果沙冰 $30
>第一郡其中一款名物，牛油果味偏淡，不太甜，口感不俗，原本以為似思樂冰咁，點知係奶昔，確實幾滑溜
==================
好味指數 🌕🌕🌕🌗🌑
斑蘭綠豆糕 $13
>斑蘭味重，配合綠豆蓉味道清新，成舊野口感煙靭，好有𡁻勁，不過個面好黏，癡實晒個叉，比較難切開
==================
好味指數 🌕🌕🌕🌖🌑
Post
