Video
Read full review
2019-10-29
134 views
第一次寫食評，食過好多好野，但驅使我想第一次寫既主因，唔係食物，係感覺到服務既誠意。今日陪屋企人睇完醫生去搵食，經過裝修後既新店決定幫襯，因為之前食過舊店，覺得平靚正，見裝修後環境更舒適，所以入去翻食。嗌左擔擔麵，厚豬扒菜飯，小籠包，生煎包，同兩杯豆漿。等既時候，可能近排天氣涼左，入室內對住冷氣風口會易感覺太凍，所以同屋企人調轉位置坐，等佢唔駛對住風口，店員見到，主動熄左近我地位置既冷氣，呢下細微舉動當下好感動，尤其我完全無出聲要求過，呢啲係真正既服務誠意，唔係好似海底撈果啲為左賺你錢而夾硬做出黎既服務。講番食物，擔擔麵我覺得好好食，因為夠花生味，個湯夠厚身，生煎包都好食，大細適中，汁多皮脆，小籠包都多汁，當然唔係頂級，不過以小店黎講，我覺得已好好食，豬扒做法似叉燒，半肥瘦，可能食慣炸豬扒既做法，個豬扒就唔係我杯茶，埋$11x。總括黎講，仲係平靚正
今日陪屋企人睇完醫生去搵食，經過裝修後既新店決定幫襯，因為之前食過舊店，覺得平靚正，見裝修後環境更舒適，所以入去翻食。
嗌左擔擔麵，厚豬扒菜飯，小籠包，生煎包，同兩杯豆漿。
等既時候，可能近排天氣涼左，入室內對住冷氣風口會易感覺太凍，所以同屋企人調轉位置坐，等佢唔駛對住風口，店員見到，主動熄左近我地位置既冷氣，呢下細微舉動當下好感動，尤其我完全無出聲要求過，呢啲係真正既服務誠意，唔係好似海底撈果啲為左賺你錢而夾硬做出黎既服務。
講番食物，擔擔麵我覺得好好食，因為夠花生味，個湯夠厚身，生煎包都好食，大細適中，汁多皮脆，小籠包都多汁，當然唔係頂級，不過以小店黎講，我覺得已好好食，豬扒做法似叉燒，半肥瘦，可能食慣炸豬扒既做法，個豬扒就唔係我杯茶，埋$11x。
總括黎講，仲係平靚正
Post