18樓雞煲火鍋專門店

Open Now

Now Closed

收工朋友請食飯，雖然出面既氣溫仍然高，不過係一個咁懷舊裝修下食餐熱辣辣的雞煲火鍋真係幾正！我哋比較早去到都好多位可以揀，食下食下越來越多人，多數都係後生仔，排隊都排長龍！我哋兩個人一鍋雞煲，微辣，食得辣可以揀辣d，好香，不過要稍微煮一煮先會更入味，雞肉幾香又嫩滑。雞煲食到七七八八就加湯底開始食火鍋。驚湯底太淡，我哋都係少少咁加湯煮。隨意點左幾款打邊爐必食的響鈴，牛肉，豬肉，芝士丸，蓮藕，等等……食材都係幾新鮮，食嘢要揀人流多的店，食材都會新鮮d。生菜同娃娃菜同各款飲品雪糕放雪櫃自助。飲品有鴻福堂百香果，冬瓜茶唔會太甜，幾好飲！食物質素性價比都幾高，食到滿足每人$200左右，限時兩個小時，唔係好夠哈哈哈！不過食完有得行下旺角消化下👍