Video
Read full review
2011-10-11
其實已經唔係第一次食，但去過台灣再食返呢度既小籠包，真係不得不寫下此食評首先的驚喜，就是今日星期六食LUNCH，估唔到星期六都仲有SET LUNCH食。兩個人，ＯＲＤＥＲ左＂糖醋排骨＂同埋＂咸肉粉絲津白＂，套餐除左跟飯之外， 仲跟埋豆漿或者酸辣湯，而我地今日就選擇左＂酸辣湯＂，個湯酸辣味配岩岩好，正呀！因為個餸唔算大，而我地都好肚餓既關係，我地仲ＯＲＤＥＲ左以下既食物。頭盤：醉雞小食：小籠包個皮夠薄，但薄得黎唔會一夾就穿，肉汁夠多夠濃味，再配埋個黑醋，味道非常夾鍋貼鍋貼個皮同小籠包個皮要求唔同，鍋貼個皮需要厚返ｄ，個餡ｄ肉唔會太肥，重點係呢度既鍋貼係有好多肉汁，非常好味。蘿蔔絲酥餅即叫即製，食既時候真係要小心。炸得好好，唔會有油淋淋既感覺。個餡勁多一條條既白蘿蔔絲同勁ｊｕｉｃｙ，完全同酒樓或者其他上海食店食既唔同。好似食左好多野？呢間食店有個好處，食物份量好適合二人，又可以叫多幾樣，完全滿足我咩都想食既心態。最值得欣賞的，就是員工有關心客戶的良好心態，事緣我們 order 蘿蔔絲酥餅時，擔心食唔哂，於是隨口說只落單一粒，但員工只是出現一息間疑惑的反應，便繼續落單及親切帶笑容地覆述一次我
首先的驚喜，就是今日星期六食LUNCH，估唔到星期六都仲有SET LUNCH食。兩個人，ＯＲＤＥＲ左＂糖醋排骨＂同埋＂咸肉粉絲津白＂，套餐除左跟飯之外， 仲跟埋豆漿或者酸辣湯，而我地今日就選擇左＂酸辣湯＂，個湯酸辣味配岩岩好，正呀！
因為個餸唔算大，而我地都好肚餓既關係，我地仲ＯＲＤＥＲ左以下既食物。
頭盤：
醉雞
小食：
小籠包
個皮夠薄，但薄得黎唔會一夾就穿，肉汁夠多夠濃味，再配埋個黑醋，味道非常夾
鍋貼
鍋貼個皮同小籠包個皮要求唔同，鍋貼個皮需要厚返ｄ，個餡ｄ肉唔會太肥，重點係呢度既鍋貼係有好多肉汁，非常好味。
蘿蔔絲酥餅
即叫即製，食既時候真係要小心。炸得好好，唔會有油淋淋既感覺。個餡勁多一條條既白蘿蔔絲同勁ｊｕｉｃｙ，完全同酒樓或者其他上海食店食既唔同。
好似食左好多野？呢間食店有個好處，食物份量好適合二人，又可以叫多幾樣，完全滿足我咩都想食既心態。
最值得欣賞的，就是員工有關心客戶的良好心態，事緣我們 order 蘿蔔絲酥餅時，擔心食唔哂，於是隨口說只落單一粒，但員工只是出現一息間疑惑的反應，便繼續落單及親切帶笑容地覆述一次我們的 ORDER，轉頭另一員工便笑笑口地過來詢問我們是否擔心食得太飽會食唔晒，簡直說中我們所想，當確認我們所憂後，便向我們簡介這蘿蔔絲酥餅其實不太油膩，以我們之ORDER應該不用擔心，然後才向我們解釋原來一客為兩個起，於是我們便改為兩件，結果當然食得晒啦。換著其他食肆員工，一早就於落單時一口同我地說最少兩件起，那有這麼好態度。
ｐｓ如果食得辣既，一定要食川味小籠包
Post