U@Cafe (Closed)

去佐敦探朋友,事前沒有特別做功課。經過見到呢間U@Cafe蛋糕非常吸引,一於入去試試。蛋糕貌相足以媲美酒店出品。一問之下原來小店的蛋糕都是由工場製,而該工場亦是很多高級餐廳的供應商。個人對朱古力甜品有情意結,叫咗個富士山朱古力蛋糕套餐。一黎到擺盤已經好有驚喜!!原來小店老闆係貓奴,所有碟都特別設計訂製! 好可愛啊!!!由於餐廳新開,店員更特別同我地''加餸'' 送咗D曲寄同埋糖脆麵包比我地一試之下我想講 小店真係好有水準朱古力富士山- 朱古力味道濃郁,慕絲非常細滑!!! 真係唔太捨得和友人分享 飲品我同朋友都揀咗 梅子花醋茶,酸酸甜甜岩晒咁炎熱的天氣!!主食店員哥哥知道我地鍾意甜野,亦推薦我地岩燒火焰吐司有成三層厚多士,夠晒份量一試之下原來每一層厚多士均抺上柚子醬,中間夾著超滿的肉鬆。好邪惡,但美食當前唔理得咁多真係滿驚喜的一餐,希望大家都多多支持小店。除了蛋糕,小店內仲有曲寄禮盒,麵包得出售。