東京チカラめし (Closed)

新冠肺炎疫情下唔可以外遊，大家非常掛念日本平靚正的美食！元祖日式燒牛丼飯專門店東京チカラめし在Mikiki開咗分店，之前我去食過，真係好好味，想食到日本風味的丼飯又多一個選擇！今日就帶姪仔去食，包佢話正！枱上放有調味料，客人可隨口味調教食物。店內所有米飯都採用日本米，特點為香味濃郁，入口隨即感受到濃厚甜味。煮熟後鬆軟而且充滿光澤，飽滿通透。咖喱吉列豬扒飯，炸至金黃香脆的豬排，超香口，再配上日式咖哩，味道香甜好滋味！燒豚肉丼（大），燒豚肉薄切，肥瘦適中，油脂甘香有肉汁，撈咗特製醬汁更美味。配唐揚炸雞兩件，即炸雞件外脆肉嫩。