方叔叔重慶老火鍋 (渣甸中心)

Open Now

Now Closed

身為邊爐精嘅我哋，難得兩公婆去撐枱腳，梗係去食重慶麻辣火鍋啦🥘今日鴛鴦鍋揀咗麻辣拼山珍菌湯底，麻辣鍋無添加香精之餘，仲用咗自家熬製牛油做鍋底，煲滾後傳嚟陣陣麻辣香味，仲要越滾越辣🌶️，但辣得嚟又唔嗆口，真係食得健康又過癮😜山珍菌湯又好清香嘅味道，配搭麻辣鍋中和一下，簡直係絕配❤️餐廳有十八道推薦菜式，我哋梗係唔執輸樣樣叫啲啦😅 鮮龍躉片食落非常爽口🐟手打魚籽蝦滑鮮味十足🦐鮮黃喉好爽口；珊瑚蚌夠晒鮮甜🐚方叔叔現炸豆皮見到都開心；大刀萵筍芯清甜爽脆；美國 Prime特級牛胸腹油花分佈均勻，口感特佳🥩最鍾意佢哋有半份嘅份量，等我同老公可以食好多唔同嘅食材👍🏻👍🏻飲品方面我哋每人叫咗大大杯嘅洛神花鮮橙特飲同水仙烏龍檸檬茶，夠晒解渴🥰 方叔叔仲全無加一服務費，慳埋夠叫多碟嘢食😂