紫蝶花 (Closed)

這間餐廳我們常常幫襯，雖然每次食物質素都不同，時好時壞，但因為吃到好味的機會率比較多，我們都常常來博一博。下午茶時間人流不多，不用等位直入。咖喱牛腩飯，熱騰騰咖哩撈飯一流，今次的牛腩肥瘦均衡，好味。還有一碗值得加$5嘅湯，熱辣辣，少味精，很清甜。檳城炒貴刁，次次嚟食都一定會叫嘅炒貴刁，可惜嘅係今次啲河粉淋左失色左，勝在夠熱補救。斑蘭咖央鮮牛油多士，這個質素好穩定，最值得推介，一定要趁熱食，香脆的薄多士夾著半溶的牛油，值得為它奉獻食肥野的quota!其實好多食物都要夠熱先至好食，這樣基本的要求，卻很多餐廳都達不到。