Video
Read full review
2019-05-03
1245 views
大學最後一個SEM Break，與其博命搵工翻part-time，不如抽少少時間去行吓山，遠離塵囂，感受一吓大自然嘅氣息。今次去元朗大棠睇紅葉，可惜接近尾水，大部分楓香都顯得有啲光禿。好在平日去唔算多人，可以俾自己一個寧靜嘅空間呼吸自由嘅空氣。毛仔好日都唔行一次山，為咗獎勵自己，落咗山決定去三多整隻炸髀補一補對腳。講翻嘢食先，三多嘅炸髀無疑係毛仔心目中嘅top 5小食。每次入元朗都必定會整翻隻先走。生炸雞髀 （$30）即叫即炸，拎上手仲冒緊煙、滴緊油。外皮金黃，偏向日式串揚炸法。一啖齒開，層皮好薄亦好酥脆，塊皮脆到好似食緊薯片咁。佢同其他炸雞髀最大嘅分別就係層皮唔會刮口，同埋食到成口油淋淋。雞肉尚算嫩滑，但好似比以前薄身咗，似食雞排多過雞髀，兩三啖就食完。調味方面，今次揀咗唔辣，食落都算入味，唔會過鹹。惟略嫌肉汁唔夠，未算好juicy，但又未至於坊間小食店嗰啲皮厚肉柴嘅雞肉味擦膠。整體嚟講，毛仔覺得三多炸髀大致上都保持到水準，不過就好似無之前咁好食。賣相：8/10口感：7/10味道：7/10價錢：3/10 （$30/隻，算幾貴）【完~~~~~~】
講翻嘢食先，三多嘅炸髀無疑係毛仔心目中嘅top 5小食。每次入元朗都必定會整翻隻先走。
生炸雞髀 （$30）
三多炸雞髀
$30
62 views
0 likes
0 comments
三多炸雞髀
$30
60 views
0 likes
0 comments
即叫即炸，拎上手仲冒緊煙、滴緊油。外皮金黃，偏向日式串揚炸法。一啖齒開，層皮好薄亦好酥脆，塊皮脆到好似食緊薯片咁。佢同其他炸雞髀最大嘅分別就係層皮唔會刮口，同埋食到成口油淋淋。雞肉尚算嫩滑，但好似比以前薄身咗，似食雞排多過雞髀，兩三啖就食完。調味方面，今次揀咗唔辣，食落都算入味，唔會過鹹。惟略嫌肉汁唔夠，未算好juicy，但又未至於坊間小食店嗰啲皮厚肉柴嘅雞肉味擦膠。整體嚟講，毛仔覺得三多炸髀大致上都保持到水準，不過就好似無之前咁好食。
賣相：8/10
口感：7/10
味道：7/10
價錢：3/10 （$30/隻，算幾貴）
【完~~~~~~】
Other Info. :
聽講三多嘅滷水髀都好入味好juicy，但毛仔未曾食過。始終一隻雞髀賣30蚊都真係幾貴吓，多數都係揀翻炸髀。下次再同大家覓食😉
(The above review is the personal opinion of a user which does not represent OpenRice's point of view.)
Post
