同人鍋 (Closed)

同人鍋又來尖沙咀山林道食雞煲放題啦，今次係第三次來，加左價，一坐低先叫一個雞煲，雞煲上到枱熱辣辣，店員話要焗一焗先，然後佢再幫我地炒一炒，就食得啦。雞件都幾多，醬汁略嫌淡左少少，不過都算惹味，食晒啲雞，店員就幫我地湯底打邊爐，係番茄湯底，之後海鮮拼盤就上枱了，今晚有龍蝦、魷魚、蝦、蟶子、鮑魚、生蠔等，海鮮來講都幾豐富，而且質素都非常新鮮，某啲海鮮仲可以任吃，例如係韓國蠔、蜆、白鱔片、魷魚、帶子、青口、花枝片、松葉蟹鉗等，呢啲都係可以任食嘅，非常豐富。之後就嚟咗一碟丸、腸仔等，呢度嘅丸類雖然唔係手打，但係種類非常多，有啲都幾特別，就好似卡通芝士丸、龍蝦沙律丸等等，仲有水晶包，有紫薯味同埋綠茶味，幾特別。不過安格斯肥牛嘅質素就一般，而且份量好少，每次來都只有三薄片，冇咩牛味，較為失望。總括來講，呢間雞煲火鍋放題嘅食物質素一般，不過海鮮種類幾多，而且海鮮都非常新鮮，有機會會再嚟。