Video
Read full review
2022-12-15
1959 views
餐廳：煲底海鮮火鍋料理 (尖沙咀)地址：尖沙咀金馬倫道38-40號金龍中心3樓「同舟人，誓相隨，無畏更無懼」獅子山精神一直都喺香港人嘅精神，同撈同煲、守望相助，無論面對咩困難逆境都可以一齊去跨過2020年開業到依家都堅持將最正最港式嘅火鍋料理帶比香港人，佢哋堅持食物嘅質素，9成9嘅食物都喺手作菜式，所有餃子都喺自己包🥟，特色丸類又喺自己研製，就連醬汁都喺自己試味調味，希望嚟到嘅客人都食得出佢哋嘅心意💕入到餐廳就即刻有一份親切嘅感覺，以黑、黃色嘅色系，配搭起闊落嘅空間，周圍都見到Mirror周邊裝飾，充滿住濃厚嘅香港味道😆，仲播住唔少Mirror嘅歌曲，真喺首首都識唱🤣✝️日式海帶螺頭鍋($169)拼秘製麻辣鍋(+$30)煲底有接近20款湯底可以揀，$169以下湯底加$30仲可以雙拼，一班Friends有人鍾意食辣有人唔鍾意，叫個鴛鴦鍋就可以fit晒唔同人😜。日式海帶螺頭鍋用咗足料螺頭、柴魚、豆腐、昆布、菇菌去煲，清甜奶滑；秘製麻辣鍋由大廚多次嘗試同調味而成，辣得嚟唔會太麻，迎合返香港人鍾意食辣嘅口味🌶✝️潮牛(細) $289揀咗本地牛頸脊🐮，喺由大廚逐片手切，擺碟整齊、每塊都大小厚薄差唔多
地址：尖沙咀金馬倫道38-40號金龍中心3樓
「同舟人，誓相隨，無畏更無懼」獅子山精神一直都喺香港人嘅精神，同撈同煲、守望相助，無論面對咩困難逆境都可以一齊去跨過
2020年開業到依家都堅持將最正最港式嘅火鍋料理帶比香港人，佢哋堅持食物嘅質素，9成9嘅食物都喺手作菜式，所有餃子都喺自己包🥟，特色丸類又喺自己研製，就連醬汁都喺自己試味調味，希望嚟到嘅客人都食得出佢哋嘅心意💕
入到餐廳就即刻有一份親切嘅感覺，以黑、黃色嘅色系，配搭起闊落嘅空間，周圍都見到Mirror周邊裝飾，充滿住濃厚嘅香港味道😆，仲播住唔少Mirror嘅歌曲，真喺首首都識唱🤣
✝️日式海帶螺頭鍋($169)拼秘製麻辣鍋(+$30)
煲底有接近20款湯底可以揀，$169以下湯底加$30仲可以雙拼，一班Friends有人鍾意食辣有人唔鍾意，叫個鴛鴦鍋就可以fit晒唔同人😜。日式海帶螺頭鍋用咗足料螺頭、柴魚、豆腐、昆布、菇菌去煲，清甜奶滑；秘製麻辣鍋由大廚多次嘗試同調味而成，辣得嚟唔會太麻，迎合返香港人鍾意食辣嘅口味🌶
✝️潮牛(細) $289
揀咗本地牛頸脊🐮，喺由大廚逐片手切，擺碟整齊、每塊都大小厚薄差唔多，色澤鮮紅新鮮，每片淥8-10秒就食得，脂肪唔多而且油花均勻，入口爽嫩軟滑帶有啲咬口，牛味唔算話好濃郁但細緻適中，忍唔住食完一片又一片🤤
✝️時令海鮮拼盤 $598
依家用優惠價就可以食到嘅海鮮拼盤有6隻游水海生蝦🦐、4隻時令貝類、2隻海花蟹🦀、1份廣島蠔同4隻鮑魚，是日嘅時令貝類喺扇貝，全部都好新鮮生猛，即叫即喺水缸入面捉上嚟，上到枱仲識郁㗎！廣島蠔無腥臭味、飽魚爽口、扇貝鮮甜、
海花蟹仲好多肉！包你食過返尋味，3-4個人Share都夠食👍
✝️酒心雞肉丸($109)拼流沙墨魚丸(+$10)
呢兩款都喺煲底精心炮製嘅丸類，前者充滿花雕醉雞嘅香味，咬開爆汁，原來打開裡面有勁多湯汁！後者由大廚每日將雞蛋黃篩走蛋白，再壓碎蛋黃整成流沙鹹蛋黃餡，配埋爽彈墨魚丸一齊食真喺無得輸👏
✝️自家製精選三寶餃 $109
喺自己包嘅韭菜餃、水餃同雲吞🥟，全部都非常飽滿勁大隻，仲要做到餃皮嘅厚薄均勻、晶凝通透得嚟淥完都唔會穿/散開先勁，
睇吓啲雲吞，咬開見到勁足料原隻蝦同蝦膠🦐，彈牙到一個點
✝️冰火魷魚 $109
當冰凍嘅魷魚配上麻辣嘅自家秘製辣醬🦑，冰火交加確實吸引，入口爽脆香辣，令人食上癮停唔到口，呢隻辣仲要喺第二度搵唔到，所以嚟呢度必試！唔少人食完都會專登買佢哋嘅辣椒醬返去呢🌶
另外仲叫咗個蔬菜拼盤($69)同一酌金桔熱情果四季春($98)，
食完咁辣嘅嘢一定會好頸渴💦，飲返幾杯清涼解渴又香醇嘅金桔熱情果四季春就啱晒🍹仍期待那天，我們能在煲底相見。
Post
