粵廚點心專門店‧椰子雞煲專賣店

Open Now

Now Closed

嗌左兩個白鱔煲仔飯，雖然啲飯淋咗少少，其實係ok 既，有飯焦，整體上有7-8分但係體驗急轉直下，發現有隻老鼠爬上顧客再跑走，一開始係冇乜人知道，再有一次有顧客見到隻老鼠喺上面嗰啲裝飾爬來爬去，啲顧客都開始驚，啲姐姐不慌不忙望住隻老鼠周圍爬，完全冇幫手，最後隻老鼠又跳落地下爬。我哋就淨係食咗一個煲，仲有一個係基本上冇食過，嚇到死諗住走，都唔知啲食物有冇比老鼠躝過，所以就同夥計講唔俾錢走，原本夥計要求比茶界就算數，最後追出嚟叫我哋俾埋一碗煲仔飯嘅錢。我哋就覺得好唔忿氣，唔係錢嘅問題，係餐廳竟然有老鼠喺樓面周圍走，完全係有問題，剩係希望大家見到就唔好再幫襯，間餐廳完全冇想解決問題嘅態度。