家之味

Open Now

Now Closed

新一年2023年2月9日又再帶一大班朋友到此新春聚餐，食物新鮮又有驚喜，朋友都好滿意，大家一早到達唱K，打麻雀，大笑大叫，都唔怕俾人投訴呀，因為可以包場，大家都覺得最正係可以包場食玩唱傾。7時入座享受前菜食左豬腳仔（大細適中，大家食得有儀態），水魷魚（呢度菜好有風味呀），椒鹽🦑（好正，夠野味）送啤酒一流呀。「金銀蒜炸蠔」，大大隻好好味「XO醬腸粉大蝦」，咪講笑成個煲食到見底，太野味配菜都食哂，腸粉入哂味，好好食。「老椰子雞湯」，清甜「白雪肉山大扇貝」，呢味唔使講，我次次必食架，新鮮好味。「盤龍地頭鱔」，自己煮唔到架，要新鮮處理才有嫩滑煙韌肉質，食到呢度大家都已經飽飽地，但都食哂，仲話好飽。「荷葉蟲草花雞」好好味，有荷葉香味，飽飽地，大家都打包走，唔好浪費食物。「富貴黃金炒飯」好香呀，但已經好飽飽，打包啦。最後唔小得就係最滋潤糖水「紅棗元肉桃膠雪耳茶」大家食到腸滿腸肥，（肚腩）滿載而歸呀。下次下次一定再幫襯。