Video
Read full review
2016-12-10
4496 views
今次試下係銅鑼灣Midtown新開既Greyhound Thaipas Bar。睇地址話係一樓,同朋友上到一樓發唔係Greyhound，搞左輪先有職員話俾我地知係地下個層，指示略為唔清晰。其實餐廳係街鋪，地方唔算好大，但有bar台位、沙發位，坐得幾舒服。餐廳以泰國做主題，但裝修卻很西式。同朋友兩個未食飯，所以叫左ｄ小食同主菜。餐廳除左主打泰式菜之外，手工啤亦係佢地既賣點。經理介紹我地飲本地手工啤獅子山下$68，麥味唔算好重，微苦，特別既係有淡淡既柑橘香味。第一上既係Salmon Bruschetta $68,夠兩個人既份量。以新鮮三文魚配上麵包底，三文魚味道雖然偏淡，但加上香草同蒜頭調味，好特別，香得黎有點嗆。兩隻黃辣椒仔，食得辣既可以加埋落去食，不過提提大家堅辣。隨碟仲附送蔬菜乾，可以配啤酒飲。以黎個價錢算係幾抵食。因為我地都幾肚餓，叫左個牛肉丸麵Thai braised beef noodle $68。個麵黎之前，經理好細心咁拎左調味俾我地。其實味道同出面食既差唔多，值得讚係個湯都算幾濃味，米粉都幾爽口。食到六七成餓，叫返個小食送下啤酒，叫左mixed buts and root
其實餐廳係街鋪，地方唔算好大，但有bar台位、沙發位，坐得幾舒服。餐廳以泰國做主題，但裝修卻很西式。同朋友兩個未食飯，所以叫左ｄ小食同主菜。
餐廳除左主打泰式菜之外，手工啤亦係佢地既賣點。經理介紹我地飲本地手工啤獅子山下$68，麥味唔算好重，微苦，特別既係有淡淡既柑橘香味。
第一上既係Salmon Bruschetta $68,夠兩個人既份量。以新鮮三文魚配上麵包底，三文魚味道雖然偏淡，但加上香草同蒜頭調味，好特別，香得黎有點嗆。兩隻黃辣椒仔，食得辣既可以加埋落去食，不過提提大家堅辣。隨碟仲附送蔬菜乾，可以配啤酒飲。以黎個價錢算係幾抵食。
因為我地都幾肚餓，叫左個牛肉丸麵Thai braised beef noodle $68。個麵黎之前，經理好細心咁拎左調味俾我地。其實味道同出面食既差唔多，值得讚係個湯都算幾濃味，米粉都幾爽口。
食到六七成餓，叫返個小食送下啤酒，叫左mixed buts and root fries $38，混合唔同既果仁同蝦米，用香葉、辣椒、洋蔥炒過，辣辣地，幾岩送酒。
女仔，食完飯點都要食返個甜品先覺得滿足。我地叫左個Ferrero tart $88, 係一個朱古力味超濃既派，tart心係好似食緊涷既朱古力咁，甜度岩岩好！雖然以咁細個tart黎講,算有d貴,但貴精不貴多,甜品唔錯。
但估唔到既係，bar竟然11點幾就關門，傾傾下話要關門有ｄ掃興。不過地點好方便，野食都唔錯，會再黎食！
Post
