Video
Read full review
2012-03-07
71 views
今晚本想去大尾篤食意大利菜的, 不過睇見openrice呢間有$50 coupon, 本來自己唔多鍾意大埔Olive Cafe舊店, 新店開張咁耐都未幫襯過, 因為$50關係, 即管俾次機會佢啦.打電話訂位時特別要求要窗口位, 佢地亦安排到, 好在啫, 因為走廊的二人枱真係好窄好侷促. 待應平均都好年輕有禮貌, 餐牌的紅酒選擇唔多, 要了一枝house wine, 智利 Yaii Shiraz Cabernet 2010 以呢個價錢, 質素算係咁.麵包有兩款, 跟包有意大利油醋及香草牛油, 呢方面幾細心. 老公點了羊扒, 但今天冇羊扒! 唯有轉揀意式果仁燒羊鞍($168), 叧加$38轉餐, 有沙律或湯, 及咖啡或茶. 沙律顏色好豐富, 夠凍, 醬汁亦唔錯羊鞍上碟有兩大塊, 之前要求五成熟, 肉質好柔軟, 而且待應主動問需要甚麼醬料, 老公選了薄荷啫哩, 跟餐的薯菜亦十分豐富,唯一要挑剔的, 就係羊鞍用焗盤上, 好難切, 同個醬汁兜有啲崩....我本想點燒hoke魚(唔識中文添), 但又係冇!!!! 唯有轉點芝士焗石班($128), 呢個係套餐A, 已包前菜及餐飲. 我選了南瓜忌廉湯
本來自己唔多鍾意大埔Olive Cafe舊店, 新店開張咁耐都未幫襯過,
因為$50關係, 即管俾次機會佢啦.
打電話訂位時特別要求要窗口位, 佢地亦安排到, 好在啫, 因為走廊的二人枱真係好窄好侷促.
待應平均都好年輕有禮貌,
餐牌的紅酒選擇唔多, 要了一枝house wine, 智利 Yaii Shiraz Cabernet 2010
以呢個價錢, 質素算係咁.
麵包有兩款, 跟包有意大利油醋及香草牛油, 呢方面幾細心. 老公點了羊扒, 但今天冇羊扒! 唯有轉揀意式果仁燒羊鞍($168), 叧加$38轉餐, 有沙律或湯, 及咖啡或茶.
沙律顏色好豐富, 夠凍, 醬汁亦唔錯
羊鞍上碟有兩大塊, 之前要求五成熟, 肉質好柔軟, 而且待應主動問需要甚麼醬料, 老公選了薄荷啫哩, 跟餐的薯菜亦十分豐富,
唯一要挑剔的, 就係羊鞍用焗盤上, 好難切, 同個醬汁兜有啲崩....
我本想點燒hoke魚(唔識中文添), 但又係冇!!!! 唯有轉點芝士焗石班($128), 呢個係套餐A, 已包前菜及餐飲.
我選了南瓜忌廉湯, 個湯味道薯蓉湯多啲, 但都OKAY, 未調味, 要自己決定加唔加鹽, 但在枱面搵了一輪, 至發覺係冇放鹽/胡椒粉的, 要勞煩待應攞嚟, 奇怪.
呢個芝士焗石班, 感覺似煎多過似焗, 石班有兩三塊, 幾香口, 個芝士汁好杰, 食落頗飽滯的.伴碟的薯條新鮮香脆, 好味到食唔停口.
我地夜晚通常唔飯咖啡的, 但餐牌上特別註明呢度的咖啡叫Lavazza,雖然唔知係咩品牌, 都覺得好吸引, 於是問待應有冇低因版本, 咁抵死佢居然有喎, 咁就要試下啦.
冇失望囉, 咖啡徧酸味, 好香濃, 好滿足.
食完叫埋單, 待應哥哥仔呢個時候問: 「你地仲有個甜品未叫喎.」
吓! 係咩, 老公之前睇過甜品餐牌, 話呢度啲甜品價錢唔貴, 只係有啲飽......
不過免費又唔同講法囉, 一於叫個Cream Brulee
原價$28, 是預先做好, 上枱前再焗溶個面啲焦糖, 溫度上熱下凍,嘩嘩嘩, 甜味適中, 忌廉&蛋的組合真係天衣無縫, 真是冇得頂, 讚讚讚!!!!!!!!!!!!!!!!
因為個免費甜品, 兩個人研究咗個餐牌一輪, 發現啲英文好鬼搞笑.
Wooden Pudding = 木糠布甸, 木糠布甸我估係葡式Serradura, Wooden Pudding譯做中文係木頭布甸, 木糠布甸我諗譯做Sawdust Pudding 貼切啲.
礦泉水 = Aerobic Water 呢個仲離譜!咁簡單 Mineral Water 都搞錯, 快啲執執佢, 咪失禮人嘛.
Post
