飯意主題餐廳 (Closed)

旺角，自從返工之後都好少行過黎了。唔係因為淘寶個兔籠有得攞貨，都未必會過黎行一行。又收到屋企話唔煮飯就自己係附近搞掂。呢間餐廳之前有約過朋友黎食，但可惜放左飛機無緣一試。今晚就自己食一食了。打開餐牌花多眼亂，就點指兵兵左一個餐。就係落完單之後，收到個FD話係附近，就捉埋佢陪食了。因為朋友話唔肚餓只係要左個温泉玉子沙律就夠了。我就跟餐都有個沙律。兩者用料都差不多，羅馬生菜同粟米粒都幾甜而個胡麻醬酸甜度啱啱好，而且芝麻味幾香同啲沙律菜配合得唔錯。但略遜一籌嘅係個蒜茸包，脆度同香味都唔算突出。不過温泉蛋真係滑溜非常，蛋香同調味都足。唔錯。係朋友打機嘅同時，我個主菜都到了。巧合地，個飯都係有温泉蛋的同樣無令人失望，都係咁滑溜同有蛋香。大傘菇真係幾有雞脾菇嘅口感，但菇香味就再重啲同厚實。焗完仲保持到水份同個芝士汁幾夾。薯餅黎講由細食到大都係覺得麥記嗰隻好食啲。呢度嘅雖然都炸得香口，但太大塊同薯仔味唔夠。不過混和落咖哩汁就個感覺返晒黎因為係偏和風同甜啲嘅。個飯雖然係由炸物同咖哩呢啲重口味嘅配搭出黎，但整體食完都唔算太飽濟，可能係個效果似和式嘅關係。係食完嘅同時，朋友都啱啱打完一個回合機，大家邊食邊