明記甜品 (Closed)

講起天后既野食，第一印象應該唔係清湯腩就係甜品啦掛！呢晚sweet過晚餐後就繼續食甜品！清風街雖然有出名既甜家親戚湯水店但已經唔想再俾人昆水，所以決定試下對面呢間頗新淨既明記（搵食理論：出名既店附近的competitor 都唔會差！）雖然明記選擇無對面店多，但都有中有西，有平有貴，主打既甜品好似係心太軟同waffle，不過呢晚又係夏日炎炎既一晚，唔想食完仲頸渴過未食，所以2人以水果為主。-蜜瓜涼粉：淨涼粉黎講都算幾大碗！蜜瓜唔算好甜但都ok, 淋左頗多既椰奶同花奶，不過涼粉出左黑色水，同花奶溝埋變左灰色@.@ 如果可能倒左涼粉水再加奶，整體應該會香d 奶味唔會被溝淡。-本身想點西瓜河粉（椰汁果隻），但竟然賣晒⋯所以order左大路兼穩陣既芒果小丸子：好多好多芒果醬汁，好似飲緊許氏咁，中間有個味道唔錯既芒果味雪糕，芒果肉切碎左不過都好甜；小丸子數量都幾多，不過有d太淋，咬落會痴牙唔係QQ彈彈的；any肥，小丸子等的糯米製品我一律隔殺勿論，食晒！下次再黎天后甜品都可以試試，未食河粉心不息。