露面手工拌麵料理

終於到咗星期五，又可以出街食飯，加上人工有調整絕對可以食好啲，知道灣仔有一間食餃子麵出色，就去試吓，地理位置10分方便地鐵站一出行6分鐘就到，首先我哋點咗兩個一人餐，點左滷肉飯再加口水雞，同埋辣子滷肉麵，雲耳，小食方面我哋點咗一份韭菜豬肉餃子，而飲品方面嗌咗蜂蜜雪梨水，先講滷肉飯，味道好香口而且加埋花椒八角一齊煮味道非常濃郁，而且五花腩嘅味道好足夠份量都好多，口水雞皮肉分明加上少少辣到簡直係好開胃，而小食方面云耳正常發揮冇乜特別，餃子非常足料而且豬肉同埋韭菜兩個味道都好夾，足足有兩隻手指公咁大，食三隻都已經好飽，而飲品方面味道都好清甜，解渴一流，其實佢Menu仲有其他款式都可以試吓，下次出糧又可以食多一次，而且呢度座位嘅空間感都幾好，可以同朋友或者家人來試吓。