台灣麵 (Closed)

好耐冇食過台灣食物，今日投完票後立即醫吓肚。午市套餐由$58起，小炒仲有8折優惠，所以叫了一個麵餐一個小炒餐。海鮮蚵仔紅麵線，分別有4個蚵仔、4隻蝦及魷魚🦑等，湯汁比稠，蚵仔新鮮，紅線麵幾似蝦子麵。甜酸糖醋魚塊配湯麵🍜一碗，魚塊炸得好，甜酸醬味道偏甜多於酸，而湯麵看起來似手打，因為麵身係不規則形狀而不是圓或方形，口感煙韌。套餐包飲品但台式飲品更吸引，所以要了芝麻奶茶及黑魔（黑糖牛奶奶蓋），我比較鍾意黑魔，奶蓋香濃而滑，配合黑糖增加層次感，同外面台式飲品店水準差不多，加$9元都抵。