明乾小館 (Under Renovation)

尖沙咀竟然有新開既點心店，一向鍾意食點心嘅我，當然唔可以錯過啦！米網鴛鴦腸 $48賣相好靚，個皮好煙韌，真係名副其實嘅內軟外脆，餡料有好多蟹肉同埋芹菜，口感好豐富。黑松露小籠包(4件) $68聞到好香嘅黑松露，好多湯汁，食嘅時候要好小心。彩虹蝦餃(4件) $68蝦餃皮係三隻色，賞心悅目，入面餡料結實，有蝦同豬肉，食落去都是滿足的感覺。黑金流沙包(2件) $22流沙包入面嘅奶黃唔會好甜，調味恰當。荷香滋補黃鱔飯 $98呢個飯有好多蟲草花，另外仲加咗薑同埋紅棗，好有心思，黃鱔肉質彈牙，油香豐富，荷葉飯亦都好香。招牌楊枝甘露 $36甜品好足料，入面有超多芒果，為晚餐畫上圓滿嘅句號。