如粵滬中菜廳 (Closed)

逢星期日都會同屋企人飲茶，咁啱今日要去荃灣海之戀個商場行街，於是就要搵啲地方可以坐下又可以慢慢食嘢。呢排好多酒店都推出唔同嘅優惠套餐，同長輩們食飯始終都係飲茶食點心比較適合。之前喺一啲討論區見到如心酒店推出飲茶優惠，每一籠點心均一價都係30幾蚊，同佐敦逸東軒嗰個優惠差唔多，好抵食！不過呢個優惠比較好嘅原因，就係呢度嘅優惠竟然係星期一至星期日都有！最啱一家大細週末出巡嘅時候可以一家人喺酒店經濟飲茶！蝦餃、燒賣、叉燒腸、煙燻蛋、鳳尾餃...... 全部點心品質都非常之優秀，絕不欺場，唔會話因為價錢平左就畀啲質素冇咁好嘅食品客人。而且呢度招呼周到，每台都會送酒精搓手液一支，喺呢段非常時期，小小舉措已經顯得特別貼心。