三公台灣料理 (Closed)

近排天氣終於轉涼，所以嚟左呢間位於旺角中心地帶嘅台式料理打邊爐 ~地點好方便，近地鐵站，就喺家樂坊隔離咋 ！見到餐牌話寫係香港首家溫體牛餐廳，所以就叫左個古早味牛骨湯套餐嚟試下～熬左8小時嘅牛湯配蔬菜湯頭，有牛味得嚟又清清地，唔會太重口味，可以試到溫體牛嘅味道～＄288包左牛盛盤、任選兩款牛肉、蔬茶拼盤、烏冬/冬粉同2杯台式飲品，如果覺得唔覺喉，除左可以散叫火鍋配料，仲可以加 $33/位，咁就有60分鐘任食台灣溫體牛！！！（溫馨一提優惠暫時做到8/1咋！要食可能要早D 去啦～）當中最鍾意牛頸脊，呢個位置係牛經常郁動到，油花分佈幾好，又有油脂香又有嚼勁，幾啱打邊爐 ～火鍋set份量啱啱好，如果同朋友想打邊爐，人數又唔係話好多，呢度都係一個唔錯嘅選擇～