享慢煮意 (形點 I) (Closed)

雖然呢間餐廳係形點商場差不多行到最入，不過又真係好值得行多幾步喎🤗門面裝修簡潔配上歐陸風，無論顏色配搭，空間感和裝飾望落都好舒服，一坐低已經覺得好放鬆😌不同時段都有不同菜式供應，我們到達時仲有下午茶供應，二人套餐只需要二百多元，當然唔會錯過喇😄呢個三層下午菜擺盤，吸睛指數爆燈，自然成為我們打卡必然指定動作，上載社交平台馬上已經得到不少回應，未食已經贏咗一半🤣由最上層食起，呢個魚子醬配北海道珍寶帶子，嘩！真係估唔到咁正，珍貴嘅魚子醬，同北海道帶子真係好夾，而且size好大粒，彈牙又鮮甜，好好味呀😋😋😋之後慢慢遂層逐層咁享受每一件藝術品咁，呢件脆風乾火腿蕃茄烤麵包🥯，我比佢好高評價，一試難忘👍🏻加多$28元就可以試埋呢個signature 龍蝦湯流心牛角包🥐，你無理由唔試卦？切開個牛角包🥐啲龍蝦🦞湯流出來，點下麵包，真係好滋味🤗意猶未盡，再order多個慢煮雞胸牛油果🥑忌廉意粉🍝，牛油果好靚軟硬適中，慢煮雞胸唔鞋入味，配上醬汁意粉，直情可以幫佢清哂，洗碗姐姐一定多謝我🤣特別讚下呢度服務好，有禮兼有效率，唔怪之得好多後生仔女都係度聚餐傾計，絕對值得推薦👍🏻