Video
Read full review
2017-01-12
721 views
快靚正嘅西餐真係唔多，呢間真係好食，價錢又唔太貴，又快，只不過有時等位等得耐少少。我地都有一段時間冇黎食，因為好多時都要等位，有好多人都係食完之後會坐好耐，同埋唯一一樣嘢我唔係咁鐘意，係佢地啲地方有少少污穢，可能人流太多，人手又唔太夠啦，不過枱面清潔都做得好差，但係食物質素係高嘅！好~介紹返食物：當然係我最愛嘅忌廉朱古力（28蚊），朱古力好香好濃，又唔會太甜，仲好滑，加埋忌廉簡直係絕配，忌廉都係好滑好香嘅，另外大少就叫咗杯荔枝茶（24蚊），有3粒荔枝，唔太甜，好香茶味，荔枝都仲係好爽甜！另一款必食：蜜糖雞翼（40蚊），雞翼嘅肉好滑，蜜糖味唔太甜，個面有少少香脆！正！另外今次叫咗香蒜蜆肉意粉（58蚊），意粉偏硬，可能有啲朋友覺得麻麻地，不過有欖油味，蜆肉就一般啦，急凍海鮮冇要求最後係半份百寶pizza，有幾款肉，同埋好多芝士，不過就唔係多到可以拉到絲嘅，但我鐘意食脆卜卜pizza，出面閒閒地都要百幾二百蚊一個，45蚊半個已經算好抵喇！
我地都有一段時間冇黎食，因為好多時都要等位，有好多人都係食完之後會坐好耐，同埋唯一一樣嘢我唔係咁鐘意，係佢地啲地方有少少污穢，可能人流太多，人手又唔太夠啦，不過枱面清潔都做得好差，但係食物質素係高嘅！
好~介紹返食物：
當然係我最愛嘅忌廉朱古力（28蚊），朱古力好香好濃，又唔會太甜，仲好滑，加埋忌廉簡直係絕配，忌廉都係好滑好香嘅，另外大少就叫咗杯荔枝茶（24蚊），有3粒荔枝，唔太甜，好香茶味，荔枝都仲係好爽甜！
另一款必食：蜜糖雞翼（40蚊），雞翼嘅肉好滑，蜜糖味唔太甜，個面有少少香脆！正！
另外今次叫咗香蒜蜆肉意粉（58蚊），意粉偏硬，可能有啲朋友覺得麻麻地，不過有欖油味，蜆肉就一般啦，急凍海鮮冇要求
最後係半份百寶pizza，有幾款肉，同埋好多芝士，不過就唔係多到可以拉到絲嘅，但我鐘意食脆卜卜pizza，出面閒閒地都要百幾二百蚊一個，45蚊半個已經算好抵喇！
Post
