Lucky Ristorante (Closed)

上海街呢楝充滿文化氣息嘅大廈入面有間食物質素高而且有超靚打卡露台嘅餐廳，無論係鍾意影定鍾意食都啱晒，今日就黎食個Brunch。水牛芝士蕃茄薄餅 佢哋嘅pizza係薄皮餅底，口感外酥內軟帶有淡淡嘅甜味，配料係柔軟濃郁嘅水牛芝士加上酸甜蕃茄，食落酸甜開胃仲有濃濃嘅水牛芝士芳香，值得一試👍🏻。慢煮西班牙黑毛豬肋骨配秘製BBQ醬落刀一刻已經知呢塊豬肋骨係返咁上下水準，切落去即刻骨肉分離夠晒軟腍，而口味係非常濃郁嘅秘製BBQ製香甜味，加上入口有溶化感覺嘅豬肋骨真係一流，仲有香脆薯格做配菜，配搭起嚟令人啖啖都好享受😋，凍檸茶and凍奶茶兩款茶底都夠濃夠香，糖水仲會貼心哋分開上，可按自己喜好調較甜度。