等一隻貓咖啡 (Closed)

今次係我第一次黎貓貓cafe，入到去要先除鞋同消毒雙手，確保客人同貓貓係衛生既環境下互動。Cafe無論係坐椅定餐具，全部以貓為主題。一入到門已經有隻可愛既貓仔迎接我地啦！貓仔唔怕人，個性活潑可愛又鍾意周圍走。非常靚既貓型積木。貓，全部都係貓。除左有得近距離同貓貓互動之外，客人既每一次來臨都可以幫到流浪貓。因為店主會將部分受益捐比義工團體，繼續支持義工每晚為流浪貓提供温飽。呢度提供多款飲品。仲有各式輕食。Oreo脆脆朱古力香濃偏甜，而鮮奶咖啡非常唔錯☕️雲呢嗱千層蛋糕🍰芒果千層蛋糕，中間有層芒果，幾香甜。貓貓真係非常可愛，融化啦我😍主要都係睇貓仔為主～支持小店既理念，之後都會介紹朋友黎支持！