康年餐廳

Open Now

Now Closed

尋日夜晚去咗康年食晚餐，同朋友傾下計，又太夜，周圍都關哂咁，所以就揀左太子康年餐廳！方便泊車之餘又唔會太迫太難食呢間我已經係常客，朋友就第一次，我好鍾意佢既小炒，有鑊氣！我叫左咖哩雞扒飯~ 朋友叫左咩黑椒雞扒炒公仔麵之類 我地一路傾一路等，服務都算幾快，因為人手都幾多，等左唔夠5分鐘，就已經有得食！我朋友嗰個先到，可能小炒特別方便，之後就係我嘅咖喱雞扒煲，佢嘅飯都好大碟，一望之下就知道應該食到飽至於咖喱，睇落去個色好正宗，雞扒好大件，好足料，幾滿意！成個煲都係雞，唔係得咖哩！至於咖哩，我就覺得好好味，冇粉味，配合雞扒真係一流，再撈飯食都好有水準