東園酒家宴會廳 (Closed)

呢度可以話我地成班同事的飯堂，lunch呢度飲茶，OT呢度dinner食完坐巴士回家，極之方便。為左呢個飯堂寫一篇食評算唔話得啦掛，哈哈，唔好以為平日灣仔區的酒家會無乜人，呢晚係星期三晚全場爆滿呢。當呢度飯堂除左方便仲有價錢合理啦！小菜幾十蚊，都係貴茶餐廳少少。今晚除左叫小菜，店長強烈推薦呢個黑松露燕窩，一上枱已經聞到好香松露味，食落口直頭每啖都咬到燕窩碎，香濃得黎唔太溜，好味！OT完係要對自己好d。叫左幾款小菜，帶子蒸豆腐，帶子爽甜，口腐香滑，清清地，唔錯。因為無特登點菜，就再來個清清的肉碎蒸茄子，配埋蝦干特別惹味，茄汁滲透曬d鼓油汁，送飯一流。講到送飯點可以無肉，點左碟士多啤梨骨，酸酸甜甜好開胃，送飯一流，太好味食完先醒起唔記得影相Hahahaa埋單仲有甜品送，紅豆沙我至愛，粒粒大紅豆，唔會太甜，每次來都叫姐姐比大碗d我唔該。正！