香港入境事務處長官會所餐廳 (Moved) New Location

一定要俾個like呢間嘢。真心覺得又平又好食。自從生完小朋友後就不停搵啲比較不騷擾其他人的親民餐廳，為了小朋友隨時亂叫亂跳也不會影響隔離。入境處就做到了。不經常多人，地方又大，嘢食又大路。店員nice而且接受小朋友。現在一得閒就會去食，亦會帶朋友去。變了飯堂！上次得我同小朋友去，一大一細，我哋兩個人都點了個花膠羹，明知飲唔晒都要飲，因為呢個湯真係好飲到發夢都會諗起，諗起就想飲！又足料夠大鍋，即煮，又熱，又夠杰。必吃的有金磚豆腐，花膠羮，叉燒。順帶一提，叉燒不是來貨，完全係廚房自己燒嘅，入口即溶。