松記糖水店 (Closed)

食完飯又唔係好夠飽，就特登行左差唔多三個字黎呢度食甜品。雖然係平日，但都好多人食野。我同媽子食左幾個甜品.......芒果琉璃琉璃即係碼小小既西米，我覺得好爽口彈牙。配上椰汁同芒果簡直係一絕，好似食緊芒果西米露咁。而且個甜品又唔算太甜，芒果又新鮮，有得食都想食多次。奶皇湯圓無乜特別既，只係湯圓裡面有奶皇。但奶皇湯圓配上有薑味既糖水就唔同啦，湯圓配上呢隻糖水，係把湯圓既味道昇華。最重要既係湯圓好實，又唔會咁易散。而奶皇又唔算太甜，唔係既話就好似剩係食緊奶皇。雪糕涼粉我食紅豆雪糕，我估應該係維記既出品啦。雪糕配上涼粉，口感一流。而雪糕又唔算太甜，涼粉溝埋花奶，就唔會咁單調。我覺得雪糕溝埋涼粉真係好正，夏天食真係消暑良方。呢餐只係四十幾個大洋，我覺得好值得。佢地既甜品又多種類，有新意又有食，有咁多生意好正常既。