發記甜品 (Closed)

同豬仔食完個麻麻地嘅韓國晚餐後，唔多飽肚，決定去食甜品補數！我地打算去食心太軟，又唔想走去太遠嘅地方，醒起銅鑼灣呢頭有間<發記甜品>, 好似有呢款甜品食㗎，一於行過去望下……果然不出所料，有心太軟嘅廣告招紙貼係玻璃幕牆，室内仲大把位，即刻go go go……翻兩翻menu, 我倆決定點兩個甜品share食~1.楊枝甘露$48: 有巧多大塊嘅芒果肉，最啱豬仔食！芒果肉鮮甜，一啲酸都無，西柚肉比例少啲，少左份甘味，西米粒粒有咬口，甜度適中，巧潤候！2.心太軟$50: 侍應生話要等20分鐘先有，我地一心要來嚐此美點，几耐都等喇！期待嘅一刻，一刀切下，朱古力流心徐徐而下，流心夠多，可是 ……朱古力濃度唔夠囉！有些少少失望！心太軟比較細size, 外皮薄軟身，亦唔夠香！反而雲呢拿雪糕底下塊窩夫餅几香脆就真！