潮州合成甜品

Open Now

Now Closed

我最近成日去九龍城食飯,成班朋友之後一齊去試不同的糖水鋪,今次我地去了一間好出名食中式的糖水鋪"合成糖水"。1行8人分2批到達,嘩店裡好多人呀!~~~因為我地人多,需要等一下大枱。我在門口睇佢地的介紹,有好多不同的款式,佢地強調是多料的。我第一次黎食,唔知佢多料到什麼程度。好快老闆已經安排位置比我地啦。客人食完好快離開,所人流流動快。我地各自點自己的糖水。我點了紅棗蓮子燉雪蛤,補一補,女人唔補唔得嫁。燉盅是一個個分開燉的,一送到我面前已經有好香的雪蛤味,隔離位的朋友也試了我的糖水,佢都話好,我一睇就見真的好多好多材料呀!~~~成個燉盅都是雪蛤呀!只是$58咋,好底食呢。雪蛤又滑又大粒,紅棗又甜又去了核,蓮子煮到好淋入口即融又去了心,甜的程度剛剛好。我見到其他朋友的糖水也很足材,下次我一定要食其他款。