雲興隆小廚 (Closed)

終於到咗食煲仔飯嘅季節😍🥳。以前會去廟街食，到咗今時今日梗係唔會再去啦，好彩屋企附近嘅雲興隆小廚煲仔飯都堅出色。三個人食，叫咗兩個煲仔飯：豉椒排骨同北菇滑雞，另外再加名物豆腐鹹魚芥菜湯，同埋半隻沙薑鹽焗雞。煲仔飯要等大約廿分鐘先上枱，一打開蓋，已聽到嗞嗞聲響，等一陣，再用鐵羹刮底，一大塊一大塊飯焦已經成形，又香又脆，超級好食😋。食完飯焦再食餸，排骨肥瘦適中，又醃得入味，好食👍；北菇滑雞呢...um...我冇食，唔知呢，不過見我媽食得津津有味，水準應該都唔會差得去邊啦😁。